د اشرف غني احمدزي او عبدالله
عبدالله د انتخاباتي ټیمونو غړیو د امریکا د کانګرس له غړیو سره کتنه مهمه وبلله.
دازادۍ راډیو د راپور له مخې ، د
عبدالله عبدالله د انتخاباتي ډلې یوه غړي فضل الرحمن اوریا وویل؛ په دې کتنه کې
توافق وشو چې د انتخاباتو درغلۍ باید په جدي، شفاف او معیاري ډول وڅیړلې شي.
په عین حال کې د اشرف غني احمدزي د
ټیم غړي عباس نویان وویل؛ ښاغلي احمدزي له امریکایی سناتورانو سره په کتنه کې په
دې خبرې ټینګار وکړ چې؛ د انتخاباتو اړوند مسایل باید د افغانستان د قوانینو په
رڼا کې وڅېړل شي.
امریکایي سناتورانو جان مککېن او
لینډزي ګراهام د پنجشنبې په ورځ په کابل کې د اصلاحاتو او همپالنې د ټیم له
مشرعبدالله عبدالله او د تحول او تداوم د ټیم له مشر اشرف غني احمدزي سره په جلا
ډول وکتل.
تمه ده چې، د دې ټیمونو استازي نن په
کابل کې سره وګوري او د عبدالله عبدالله او اشرف غني احمدزي ترمنځ د مخامخ کتنو
لپاره لار هواره کړي. د عبدالله عبدالله ویاند مجیب الرحمن رحیمي نن آزادي راډیو
ته وویل؛ استازي ممکن نن او یا سبا وګوري.
سره لدې چې ، د انتخاباتو خپلواک
کمیسیون چې د رایو د بیا څیړنې په مقصد یې د انتخاباتو ابتدایي نتیجې
ځنډولي؛ وایي چې پایلې به د دوشنبې
په ورځ اعلان کړي، خو دداسې ښکاري چې ممکن دغه پایلې یو ځل بیا وځنډول شي.