داسې ښکاري چې دولسمشرۍ لپاره د دویم پړاو د رایو پرسر ډرامې له خپل ورستیاڼ ته ندي نژدې شوې او دناټو په غونډه کې چې د سپټمبر په
څلورمه به پیل کیږي،د کرزی ځای ناستی به
ګډون ونکړی شي ..
دنویو راپورونو له مخې ، د افغانستان
د نوي ولسمشر د لوړې د مراسمو نېټه به ، چې د سپټمبر دوې مه ټآکل شوې ، یوځل بیا د
سپټمبرتر لسمې پورې وځنډول شي .
ناټو وايي چې د دوی لپاره د بریتانیا
د ویلز ایالت په سرمشریزه کې، چې د سپټمبر په څلورمه او پنځمه جوړېږي، د نوي افغان
ولسمشر ګډون خورا مهم و ځکه چې په دې غونډه کې په افغانستان کې د ناټو پر راتلونکي
رول خبرې او پرېکړې کېږي.
د ملګروملتو د مرستندوی دفتر ،
یوناما په خبرپاڼه کې راغلي دي چې، په افغانستان کې د ملګروملتو ځانګړی استازي یان کوبیش ولسمشر حامد کرزي ته ویلي چې د
باوري او کره پلټنولپاره وخت ته اړتیا ده خو له دې سره سره کیدای شي چې د افغانستان د ولسمشرۍ د دویم پړاو د رایو پلټنې
د سپټمبر تر لسمې پوري بشپړ شي.
په خبرپاڼه کې ویل شوي، له ټولو اړینو
اقداماتو وروسته له قانون سره سم د نوي ولسمشر د لوړې مراسم باید هر څومره چې
ممکنه وي هغومره ژر ترسره شي.
اوسهمال د افغانستان د ولسمشرۍ د انتخاباتو د رایو دپلټنې
چارې د ملګروملتو تر څارنې لاندې پر مخ وړل کېږي.