د افغانستان د انتخاباتو خپلواک
کمیسیون وايي دجمعې ترورځې پورې یې،
لږاوډیر د لسو زرو محلونو رای پاڼې د
انتخاباتو د کمیسیون د رایو سیستم ته داخل شوې وې، د شکمنو رایو د باطلولو په
غونډو کې څېړلي چې، د هغو له ډلې د یوسل او شپږ دیرشو محلونو رایې باطلې شوي دي.
همدارنګه نوموړي کمیسیون د جمعې په
ورځ د نهه شپیتو محلونو د رایو پایلې اعلان کړې او د ۱۱۶۴ نورو مرکزونو په اړه یې د څېړنو
غوښتنه وکړه.
د انتخاباتو د خپلواک کمیسیون په
علني غونډه کې، چې د کاندیدانو له څارونکو پرته د نړیوالو څارتکو او رسنیو په
وړاندې یې جوړه کړې وه، د کمیسیون مرستیال، عبدالرحمن هوتکي خبریالانو ته وویل چې
له ۳۰۰۰ رای بکسونو څخه د نورو ۴۹۶
بسونو پلټل اړین دي .
نوموړي زیاته کړه چې ،د رایو د ۶۲۸ مرکزونو د رایو بیا شمېرل او تفتیش
روان دی. د ۶۹ مرکزونو لس زره ۲۶ رایې رد شوې.
د افغانستان د انتخاباتو د قوانینو له
مخې ، د دواړو نوماندانو ټیمونه کولای شی
چې د څلریویشتو ساعتونو په اوږدو کې د
انتخاباتو د خپلواک کمیسیون د پرېکړو په د
انتخاباتي شکایتونو کمیسیون ته خپل شکایتونه ورسوي .
د افغانستان د انتخاباتو خپلواک
کمیسیون د څارونکو د زیاتېدا غوښتنه کړې خو داسي راپورونه شته چې ملګري ملتونه د
څارونکو ټیمونو کمېدو ته لېوالتیا ښيي. د ملګروملتو دې هڅې د افغانستان د راتلونکې
د خرابولو لپاره د یوې قصدې هڅې په اړه شکونه پیاوړي کړي دي خو څو راتلونکې ورځې
به وښيي چې نړیوال په افغانستان کې څه غواړي.