دعبدالله عبدالله د پلویانو تر مظاهرې وروسته ،دافغانستان لپاره د ملګروملتونو مرستندوی دفتر یوناما خبرداری
په افغانستان کې دملګروملتونو دفتر یوناما، نن خبرداری ورکړ چې که چیرې یې کارکوونکي وځورول شول یا چا لاس ورواچاوه ، نو د افغانستان
سره به خپلې مرستې ودروي .
یوناما دغه خبردارۍ وروسته له هغې ورکړی چې، د عبدالله عبدالله
یو شمېر پلویانو په کابل کې مظاهره وکړه او په داسي حال کې چې د یوناما د مشر یان
کوبیش پر تصویر یې سرې کرښې ایستلې وې،
د ملګروملتو پرضد شعارونه ورکول .
د عبدالله پلویانو دافغانستان لپاره دملګرو
ملتونو مرستندوی پلاوی ، په انتخاباتي درغلیو کې په لاس لرلو توری کړی .
ملګري ملتونه د
افغانستان د ولسمشرۍ د انتخاباتو د دویم پړاو د رایو په پلټنه کې مهم رول لري . د دویم پړاو څه ناڅه اته ملیونه رایې د ملګروملتو د څارونکو تر څارنې لاندې پلټل شوې دي .
ملګروملتو پس له هغه چې، عبدالله عبدالله د
انتخاباتو د پایلو له منلو انکار وکړ، ویې ویل چې په انتخاباتو کې درغلي شوې او د ملګروملتو او نړیوالو څارونکو تر نظارت
لاندې د رایو پلټنې وشي، درایو دپلټنې دبهیر دڅار
دنده په غاړه واخیسته .
په افغانستان کې د ملګروملتو دفتر یا
یوناما نن وویل:«د ملګروملتو پر کارکوونکو برید یا د هغوی وېرول که لفظي وي یا
فزیکي ،نشي منلی .»
ملګروملتو د عبدالله
عبدالله د پلویانو مظاهرې ته په اشارې ویلي:«که دا ډول بد سلوک دوام وکړي، ملګري ملتونه به اړ شي
چې، په افغانستان کې خپل فعالیتونه ډېر لږ کړي، او د افغانستان
خلکو ته مرستې محدودې کړي.»
دا پداسې حال کې ده چې ، ټاکل شوې په روانه اوونۍ کې د انتخاباتو پایلې
اعلان شي .