د افغان حکومت، امریکا او د ناټو چارواکو نن دسپټمبر په دیرشمه نیټه په ارګ کې د افغانستان او
امریکا او د افغانستان او د ناټو ترمنځ امنیتي تړونونه لاسلیک کړل . ددې تړونونو پر
بنسټ به د امریکایي او د ناټو محدود شمیر پوځیان
تر ۲۰۱۴ کال وروسته هم په افغانستان پاتې کیږي .
د افغانستان له لوري تړونونه د افغانستان دولسمشر د ملي امنیت
سلاکار محمد حنیف اتمر، د امریکا له اړخه په کابل کې د امریکا سفیر جیمز
کنګهم او د ناتو له خوا په افغانستان
کې ددغې ټولنې ملکي استازي لاسلیک کړل.
د تړونونو د لاسلیک په وخت د افغانستان ولسمشراشرف غني احمدزی، اجرائیه
رئیس عبدالله عبدالله، جهادي مشران صبغت
الله مجددي ، پیر سید احمد ګیلاني او د ولسمشر او
اجرائیوي رئیس مرستیالان حاضر وو.
د افغانستان ولسمشر د تړونونو د لاسلیک وروسته په خپله وینا کې د تړونونو لاسلیک د افغانستان د ملي حاکمیت د بشپړیدلو په معنی وګڼه، وویل چې سر له ننه یوازې افغان ځواکونه په خپل هیواد کې د محاربوي عملیاتو مسولیت په غاړه لري.
ښاغلي احمدزي وویل "نن هغه ورځ ده چې افغانستان خپل ملي
حاکمیت په اساسي توګه لاس ته راوړي".
ښاغلي احمدزي د افغانستان ګاونډیانو ته ډاډ ورکړه چې دا تړون په هیڅ ډول د هغوی په زیان نه دی.
عبدالله عبدالله هم په خپله وینا
کې ددغه تړون په لاسلیکولو کې د ځنډ یو علت په تړون کې د افغانستان ګټو ته ځای ورکول، وښودل.