په افغانستان کې د ملګروملتو ځانګړي استازي د سپټمبرپه نولسمه
خبرداری ورکړی ، چې افغان نوماندان
بايد ژر د ملي يووالي دحکومت جوړولو لپاره
جوړجاړي ته ورسیږي،تر څو هېواد له کړکیچه ژغورل شوی وي.
د فرانس پريس خبري اژانس د راپورله مخې د افغانستان لپاره
د ملګروملتو ځانګړي استازي يان کوبيش د ملګروملتو امنيت شورا
ته وويل:«که د رايو د پایلو تربشپړواضح کیدو
پورې جوړجاړی ونشی، نوي خوځښتونه به رامخې
ته شي ، بې باوري ته به لمن ووهي او ان دکړکیچ ګواښ به هم را پیدا کړي.»
نوموړي زیاته کړې ، د ملي یوالي نوي حکومت
به افغانستان ته د مليارډونو ډالرو د مرستو تضمين وکړي.
یان کوبیش ټینګار وکړ چې، د انتخاباتو څو مياشتنۍ مرڼې ،په
افغانستان کې د جګړو له زياتېدو سره مرسته کړې ده.
په همدې حال کې په ملګروملتو کې د بريتانيا سفير د
افغانستان په اړه د امنيت شورا درې مياشتني بحث ته په وينا کې ويلي چې، له ټولو افغان خواوو غواړي چې د افغانستان د خلکو
د ګټو لپاره په ګډه کار وکړي.
سفير لايل ګرانټ د امنيت شورا غونډې ته د يان کوبيش د
راپور له وړاندې کېدو وروسته وويل، د ښاغلي يان کوبيش راپور وښوده چې د افغانستان وضعيت ښه نه دي نو پکار ده
چې
امنيت شورا د افغانستان د ولسمشرۍ دواړو نوماندانو ته په کلکه
پيغام ولېږي چې، په راتلونکو ورځو کې خپل اختلافات حل کړي او د ملي يووالي د
حکومت د جوړولو په اړه خپله پریکړه وروستۍ کړي .