د ایران او پاکستان سرحدي ځواکونو د دوو هیوادونو په پولو کې یوځل بیا پر یو بل ډزې وکړې.
په دغو نښتو کې چې دپاکستان او ایران د
بلوچستان دایالاتونو په پولو کې شویدي، دواړو خواوو له ماشنیګڼو او هاوانونو څخه کار اخیستی دی.
پاکستاني چارواکي وايي چې، د ایران له خاورې د دوی لور ته د هاوان ۶ ګولۍ ویشتل شویدي
چې چې په دښته کې لګیدلې دي او مرګ ژوبله
یې نه درلودله . چارواکي زیاتوي چې ، دوی یې هم ځواب ویلی دی.
تېره اوونۍ د ایران یوه پوځي چارواکي ویلي وو چې، تهران داسې اسناد لري چې ښيي وسلوال کسان د
بریدونو لپاره له پاکستان څخه ایران ته وراوړي .
د ایران د سپاه پاسداران جګپوړي قومندان عبدالله
عراقي د دې هیواد دولتي تلویزون ته په مرکه کې ویلي، دا مسله به
له ډیپلوماټیکو لارو تعقیب کړي .
نوموړي زیاته کړې، د ایران امنیتي ځواکونو پاکستان
چارواکو ته داسې اسناد ور کړي چې ،ایران ته له
پاکستان څخه د وسلوالو ور اوښتل ثابتوي .
عراقي دا ادعا یوه ورځ وروسته له دې وکړه چې د پاکستان سرحدي ځواکونو وویل، د
ایران پوله ساتو ځواکونو د دوی د ګزمې پر یو موټر ډزې کړي چې په ترڅ کې یې یو کس وژل شوی او
درې
نور ټپیان شوې دي .
یو ایراني جنرال حسین سلامي د پنجشنبې په ورځ پاکستان ته خبرداری
ورکړی وو چې، ایراني ځواکونه به د وسلوالو د ور اوښتو د مخنیوي لپاره د
پاکستان خاورې ته هم ننوزي .