لږترلږه دکابینې دشلو وزیرانو نومونه چې د
ملي یوالي د راتلونکې کابینې لپاره په نظرکې نیول شويدي، په ډاګه شویدي.
د یک ټلویزیون له مخې، ولسمشر غني او
اجرایوي رﺉیس عبدالله د دیرشو کسانو سره لیدل کتل کړیدي او د راتلونکې کابینې
لپاره یې د هغوی نه انټرویو اخیستې دي.
د یاد ټلویزیون لخوا دخپاره شوي لیسټ له
مخې، جنرال شیرمحمد کریمي او جنرال همایون فیضي د دفاع وزارت، صلاح الدین د بهرنیو
چارو وزارت،اصف سروري او فضل احمد معنوي د کورنیو چارو وزارت،غلام جیلاني د ماليې
وزارت،سردار محمد نعیم د سوداګرۍ وزارت،قربان حقجو د اقتصاد وزارت،سادات منصور
نادري د ټولنیزو چارو او کار وزارت،نجیبه ایوبي دښځو چارو وزارت ته نومول شویدي.
ولسمشر غني او اجرایوي رﺉیس عبدالله د محمد
سیقول، سیاراحمد مجهور،برنا کریمي،فیض الله ذکي،سردار رحمان اوغلي،سید حسین عالمي
بلخي، زلمي یونسي ، ډاکټر فیروز او ګل ضیا سره هم لیدلي دي، خو لا جوته نده چې
نوموړي کسان به دکومو وزارتونو لپاره نوماندان وي.
دا پداسې حال کې ده چې د ملي یوالي حکومت نن د
کابینې د اعلان ژمنه کړې وه، خو کابینه اعلان نشوه .