دپاکستان پخواني ولسمشر جنرال پرویز مشرف مني چې، دپاکستان حکومت هڅه
کوله، ترڅو د پخواني ولسمشر حامد کرزي حکومت کمزور او ضعیف کړي.
د ګارډین ورځپاڼې سره په مرکه کې، پرویز مشرف پرکرزی باندې تور لګولی چې، پرپاکستان باندې د شا لخوا په ګوزار کولو کې
یې دهند مرسته کوله .
مشرف زیاته کړې، اوس ، د ولسمشر محمد اشرف غني تر مشرۍ لاندې، دافغانستان
دنوي حکومت سره د بشپړې همکارۍ وخت را غلی دی.
نوموړي د افغانستان د وسلوالو مخالفینو نه د ملاتړ د پای ته رسولو لپاره غږ
کړیدی. دی وايي ،« دولسمشر کرزی په وخت کې، هو،واقعا، نوموړي غوښتل چې پاکستان ته
زیان ورسوي،نو ځکه موږ د هغه په خلاف کار کوه . څرګنده خبره ده چې، موږ غوښتل چې خپلې ګټې وساتو.»
مشرف وړاندې ویلي،« خو اوس اشرف غني ولسمشر شویدی او هڅه کوی چې ،په
افغانستان کې انډول راولي . موږ ته ښايي
چې، په بشپړه توګه د نوموړي سره همکاري وکړو.»
دیادوونې وړ ده چې، افغان چارواکو
د تیرو کالونو په اوږدو کې تل دپاکستان امنیتي ادارې، په ځانګړې توګه، دهغه
هیواد څارګره اداره ایي ایس ایي دافغان
حکومت د وسلوالو مخالفین په ملاتړ او مرستې کولو تورن کړیدي.