دفرانس پریس دخبري اژانس د رپوټ له مخې ، دپاکستان د کورنیو چارو
وزیر نثار علي پرون د فبرورۍ په نولسمه
نیټه د امریکا د بهرنیو چارو د وزیر جان کیري سره په لیدنه کې ویلي دي چې،
دافغانستان او پاکستان تر منځ اړیکې کله هم دومره ښې نه وې ، لکه څومره چې پدی
ورستیو کې دي او دا یو مهم پرمختګ دی چې
شویدی.
ده ویلي: « زما په پکر افغانستان او پاکستان پخپل منځ کې اوس نژدې همکاري لري او دا همکاري
به د ترهګرۍ په خلاف په مبارزه کې د پام وړ پایلې ولري.»
دیادوونې وړه ده چې د فبرورۍ
په اوولسمه نیټه دپاکستان د پوځ
لوی درستیز شریف راحیل او د پاکستان د استخباراتو رییس جنرال رضوان اختر کابل ته دیو ورځني سفر لپاره راغلي وو.
دپاکستاني پلاوي او افغان چارواکو ترمنځ د ترهګرۍ په وړاندې او په سیمه کې د سولې
د ټینګښت په اړه یو لړ هوکړې او ژمنې شویدي.
دپاکستان د کورنیو چارو وزیر نثار علي واشنګټن ته ، په هغه درې ورځني کنفرانس کې
دګډون لپاره تللی دی، چې په ترڅ کې به د ترهګرۍ او سخت دریځه ډلو پر خلاف د مبارزې
پر لارو چارو خبرې کیږي.
د امریکا د بهرنیو
چارو وزیر جان کیري هم دپاکستان د کورنیو چارو د وزیر سره پخپله کتنه
کې د افغانستان او پاکستان ترمنځ همکارۍ ستایلې او هغه تر بل هم وخت پیاوړې او نژدې بللې
دي.
جان کیري ویلي:« د دواړو
هیوادونو ترمنځ دهمکارۍ په اړوند ، د دواړو هیوادونو په هلو ځلو کې د بریالیتوب
نښې لیدل کیږي».