دپاکستان د ډان ورځپاڼې له مخې،د
قطر په دوحه کې دافغان طالبانو دفتر یوځل بیا پرانیستل شویدی او طالبان اوسمهال د
افغان حکومت سره دپاکستان په منځګړیتوب لومړنۍ خبرې اترې ترسره کوي.
ورځپاڼه لیکي چې، یوه لوړپوړي
پاکستاني چارواکي،چې دافغان حکومت او طالبانو ترمنځ د خبرواترو په اړه مالومات
لري، ددې کال دمارچ په میاشت کې دکیدونکو خبرو اترو په اړوند، د تګلارې او اجنډا
په اړه د دواړوخواوو تر منځ ،دخبرو د بیا پیل کیدل تایید کړیدي.
نوموړی چارواکی چې نه یې دي غوښتي
نوم یې جوت شی، وايي:«هو، زه تاییدوم چې، په دوحه کې دطالبانو
دفتر بیا پرانیستل شویدی او اوس مهال دپاکستان په منځګړیتوب، طالبان دافغان حکومت
د مهمو رسمی چارواکو سره خبرې کوي، ترڅو د رسمي خبرو اترو لپاره سټراټیژي او
تګلاره په ګوته او جوړه کړي.» ډان ورځپاڼه زیاتوي.
ورځپاڼه دیو بل رسمی چارواکي له
خولې لیکي چې، دپاکستان د پوځ لوی درستیز جنرال راحیل شریف په کابل کې د افغان
ولسمشر غني سره دخپلې لیدنې په مهال،د خبرواترو د بیا پیلولو لپاره شین څراغ ورکړیدی
.
دې چارواکي همدارنګه تایید کړیده
چې، طالبانو دوه ځله په چین کې د رسمي چارواکو سره لیدنې کتنې کړیدی او پاکستان هم
پدې خبرو اترو کې چې، دچین په پلازمېنه کې ترسره شویدي، ګډون درلود.
دورځپاڼې له مخې، لومړني جزیات
څرګندوي چې، د طالبانو لخوا په لومړنیو خبرواترو کې، په دوحه کې دطالبانو استازی
قاري دین محمد، چاچې د تیرکال د نومبر په میاشت کې، د چین په خبرو اترو کې هم ګډون
درلود، استازیتوب کوي.
ورځپاڼه وړاندې لیکي چې، دپاکستان
د بهرنیو چارو د وزارت ویاندې تسنیم اسلم پدې اړوند د تبصرې په ترڅ کې ویلي دي چې،
پاکستان په افغانستان کې د سولې او ټیکاو په ټینګښت کې دلچسپي لري او پدې لاره کې
هرډول مرستې او ملاتړ ته چمتو دی.