د ولسي جرګې د پخوانۍ غړې او د ۲۰۰۹ کال د ولسمشریزو انتخاباتو
نوماندې شهلاعطا دکورنۍ غړي وايي چې، نوموړې پخپل مرګ نده مړه شوې، بلکې وژل شوې
ده. نن د چارشنبې په ورځ، هغوی په خبري غونډه کې ویلی چې، دوی کافي شواهد په لاس
کې لري چې نوموړې وژل شویده. د شهلا دکورنۍ غړو د دولت نه وغوښتل چې د شهلا قاتلین
ونیسي او د جرم سزا یې ورکړي.
د شهلا عطا مړی تیره اونۍ په کابل کې دهغې په کور کې موندل شوی وو.
پولیسو د شهلا دمړینې پخلای کړی، خو ویلی یې دی چې، دهغې دمړینې په
اړه به خپلې څیړنې وروسته اعلان کړي.