د فرخندې د وژلو او سوزولو په تړاو یوکس چې شرف بغلاني نومیږي، د اردو د ځانګړو
عملیاتو په ترڅ کې، د امنیتي مسولینو لخوا نیول شویدی.
بغلاني دخپل فیسبوک په پاڼه کې لیکلي وو چې دنومړې ښځې په وژلو او
سوزولو کې یې د بریدکوونکو ډلې سره ګډون درلود.
امنتي چارواکو ویلي دی چې، ددې پیښې په تړاو یې د بغلاني په
ګډون اووه کسان نیولي دي.
د کورنیو چارو د وزارت ویاند صدیق صدیقي وایي چې، د کورنیو چارو
وزیر د دې پيښې او د فرخندې د وژل کیدو او سوزولو په تړاو د څیړنو امر ورکړیدی.
صدیقٍي زیاتوي، دغه پيښه به د پولیسو د رول په ګډون ،په هراخیزه
توګه وڅیړل شي. نوموړي زیاته کړه، هغه ویډو چې په رسنیو کې خپره شویده، د امنیتي
مسولینو سره په پيښه کې د ښکیلو کسانو په
پیژندلو کې مرسته وکړي.
د فرخندې په
نوم یوه ښځه چې ویل کیږي، قران ته یې اور اچولی وو، د پنج شنبې په ورځ د راپاریدلو
کسانو لخوا ووژل شوه او مړی یې وسوزل شو.