.jpg)
دپاکستان د طالبانو تحریک نن دزیارت یا پنجشنبې په ورځ ویلی دی چې
دنوموړي تحریک یو مهم قوماندان خاورې مسید د بې پیلوټه الوتکې په برید کې وژل
شویدی.
د ایکسپریس ټریبون ورځپاڼې په وینا، دپاکستان دطالبانو دتحریک
ویاند محمد خراساني ویلي دی چې، خاورې مسید د پاکستان او افغانستان پولې ته نژدې،
د مارچ په اتلسمه نیټه وژل شویدی.
ورځپاڼه زیاتوي، خاورې مسید دهغو قوماندانو له ډلې څخه وو چې د بیت
الله محسود سره یې نژدې اړیکې درلودلې. خاورې مسید د حکیم الله مسید د ساتونکي
دنده هم په غاړه درلوده.
ورځپاڼه وړاندې د پاکستاني طالبانو د ویاند له خولې لیکي چې، خاورې د
افغانستان د پکتیکا،کنړ او خوست په ولایتونو کې هم فعالیت کړی وو.