څیړونکي ددې جسم په اړوند چې، د امریکا د فضايي څیړنو د مرکز (ناسا) په
تصویر لیدل شویدی، په یوه نظر ندي.ایا دغه جسم په هوا کې ولاړ دی او که هغه دروازه
ده چې د سیارې دننه خواته لاره پرانیزي.
د روسیې د « کمسامولسکایا پراودا» ویب پاڼې له مخې، یوځل بیا، د پوهانو
پام، دغه حیرانونکي او له اسراره ډک جسم ځانته ورګرځولی دی، چې د لمریز نظام، د لمر
له لوري د ځمکې خواته د لومړنۍ سیارې
عطارد پرمخ لیدل شوی دی. دغه مستطیل د لومړي ځل لپاره څلورکاله پخوا د
متحده ایالاتو د فضایي څیړنو د مرکز لخوا لیدل شوی وو. تصویر د 2012 کال د فرورۍ د
میاشتې په لسمه نیټه د ناسا لخوا د لیږل شوې چترۍ، د کمرې (Wide Angle Camera) لخوا اخیستل شوی وو.
د تصویر په اړه
د ناسا په توضیحاتو کې ویل شویدي چې، داورغورځونکي غره غوندې ددغه سوري د خولې قطر
42 کیلومټره دی. ددې له مخې د « تور مستطیل» سورې لوړوالی د سپږو کیلومټرو په شا
او خوا کې او پلنوالی یې درې کیلومټره اټکل کیدای شي.
د تصویر په اړه
د ناسا په توضیحاتو کې ویل شویدي چې، داورغورځونکي غره غوندې ددغه سوري د خولې قطر
42 کیلومټره دی. ددې له مخې د « تور مستطیل» سورې لوړوالی د سپږو کیلومټرو په شا
او خوا کې او پلنوالی یې درې کیلومټره اټکل کیدای شي.
د ناپیژندل شویو الوتونکو اجسامو
څیړونکي (ufologists) وايي چې، دغه ډیر ستر سوری دی، خو ناسا د هغه په
اړه څه نه وايي. دوی څرګندوي چې، « تور مستطیل» د عطارد سیارې ته د ننوتو دروازه
ده او په عطارد کې دننه د نورو سیارو د اوسیدونکو اډه کیدای شي.
د نورو سیارو نه د
راتلونکو مخلوقاتو څیړونکی چې ځان ټایلر ګلوکنیر بولي، دناسا پدې تصویر کې د رڼا
او سیورې موقعیت څیړلی دی او وايي چې: « تورمستطیل » دروازه نده، بلکې یو لوی جسم
دی چې، دځمکې پر مخ پروت دی. نوموړی د دغه جسم د اصلیت په ډاډ سره وايي چې، هغه د
نورو سیارو اوسیدونکو هلته ایښی دی.