دملګروملتونو د سازمان عمومي منشي
بانکي مون دافغانستان دولسمرۍ ددواړو نوماندانو نه هیله کړیده چې، دجولای دمیاشتې
په دولسمه نیټه ، ددوی تر منځ د شوي تړون له مخې، دملي یوالي د حکومت د جوړولو په
باب خپله موافقه او جوړجاړی بشپړ کړي.
دملګروملتونو د سازمان لخوا په یوه
خپاره شوې خبرپاڼه کې ، بانکي مون ټینګارکړیدی چې، دا دافغانستان لپاره یوه برخلیک
ټاکونکې ګړۍ ده او په افغانستان کې دستونزو داوارۍ لپاره ملي مشارکت یو رښتیني حکومت ته اړتیا ده .
بانکي مون په افغانستان کې شتو
ننګونو ته په ا شارې سره، زیاته کړیده چې، دواړه خواوې مسولیت لري چې افغانستان د
سوکالۍ او سوله ایز راتلونکې په لورې بوځي
او دا کار یوازې په ګډه کیدای شی ترسره شي .
نوموړی ویلي چې، د جولای په دوولسمه نېټه دواړو نوماندانو تړون
وکړچې د نړیوالو تر څارنې لاندې د ټولو
رایو ترپلټنو وروسته به دانتخاباتو پایلې مني او د ملي یووالي حکومت به جوړوي .
د ملګروملتو په خبرپاڼه کې دا هم راغلي
دي چې، د افغانستان د ولسمشرۍ د دویم پړاو د انتخاباتو د ټولو رایو د پلټنو کار د
روان سپټمبر په څلورمه پای ته رسیدلی او هیله کیږي چې ډیر ژر به د انتخاباتو پایلې اعلان شي.
سرمنشي هیله څرګنده کړې چې نوماندان
به پر خپلو ژمنو ودرېږي، د انتخاباتو پایلې به ومني او دا امکان به برابر کړي چې
په افغانستان کې د لومړي ځل لپاره په سوله ییز توګه د واک لیږد ترسره شي .
دیادوونې وړ ده چې پرون د امریکا
دمتحده ایالاتو هم ورته هیله کړې وه او همدارنګه په افغانستان کې هم ګڼ شمیرمدني
جوړښتونه او وګړي هم د پایلو د ژر ترژره اعلانیدو غوښتنه کوي.
پرون د امریکا متحدو ایالتونو هم
ورته هیله څرګنده کړې وه.
د افغانستان د انتخاباتو خپلواک
کمیسیون ژمنه کړیده چې دژمنې سر ه سم به ،
نن د جولای په لسمه نیټه دانتخاباتو پایلې اعلانوي .