کاشکې / قاسم مﺉین

دغه جهان دی،کاش،بل شـــان جوړ وی
زمکه دی پاس، لاندی اســــمان جوړ وی

د خان په لاس کښی دی وی لور ورکړی
څښتن د زمـــــــکې دی دهقان جوړ وی

چا چی پری سر د بل چا نه ويـــــشتلی
کاڼي دی لعل د بدخشــــــــــان جوړ وی

درخو،درخــــــــــــــو وی هره پېغله د غرو
او هر ځلــــــــــمئ دی ادم خان جوړ وی

نور دی تور کړی وی،تورمــــــخی يو څوک
بلال دی ســــــــــــپين لکه اذان جوړ وی

بس يو کافي وو، د فســـــــــــــــــاد لپاره
يا دی انسان، يا دی شيــــــطان جوړ وی

چی ښه خبـــــــــــر وی د يو بل د زړۀ نه
جانان دی زۀ، زۀ دی جـــــــــانان جوړ وی

کاشـــــکی دی هسی ټوټې کړی نه وی
جهان دی ټول افغانســــــــــــتان جوړ وی

م٠ق٠ مئين
٢/١١/٢٠١٤